رسلت لك وبيك تقرأ الراله غالي ولاودي تنصل من الدين
عليك حق الطيب تقضب احباله حبلٍ هلك مسوه بالعسر واللين
ساروا على سلوم العرب والشكاله منزالهم عالي عن الوحل الطين
والجود ديدنهم بطيب وجزاله ومرافق اهل العرف والحزم والدين
سلم الاهل لاتحط شيٍ بداله وتتبع هوى نفسك ودرب الرديين
احذر صحيب السو خله لحاله تراه يسلك بك طريقٍ ماهوزين
وباب العمل لابد تطرق مجاله وتجد في دربه ولا تقول بعدين
ترى لولد ما بين عمه وخاله وذكر الثنا يرفع مقام العزيزين
لاتحط من مقدار اهل الجماله جدك وبوك ارجح لهم بالموازين
طيبك لبوك يرد لك من افضاله اللي ذكرهالله ولها براهين
ترى الحياة امجاد من طاب فاله ومن جنب الامجاد مرده الشين
الرئيسية 
