[size=32]وقفت ايناس ورا الباب لحظات مترددة
وفتحت الباب
ايناس"حسن؟؟؟ خير"
حسن"صباح الخير ياايناس...شكلك كنتى نايمة"
ايناس"اه فعلا كنت نايمة خير"
حسن"خير انا جاى اخدك"
ايناس"تاخدنى؟؟ليه"
حسن"هتخلينى واقف ع الباب كتير"
واتفاجئت واتحرجت من جملته... ووسعت من ع الباب
ايناس"اتفضل"
ودخل على الصالون
حسن"يالا البسى علشان تيجى معايا"
ايناس"فهمنى بس فيه ايه؟؟ منى كويسة"
حسن"بصى منى تعبانة شوية"
وبخوف
ايناس"مالها بس"
حسن"متخافيش احتمال تكون حامل بس تعالى علشان مش قادرة تقعد لوحدها"
ايناس"طيب انا هلبس واجى معاك حالا"
دخلت ايناس تلبس بسرعة...لبست فى دقايق
لقت حسن بيفتح باب اوضتها
ايناس"ايه.... فى ايه"
حسن"مفيش جاى اقولك بس هاتى هدوم معاكى علشان متسيبيش اختك لوحدها"
ايناس"طيب استنانى بره ياحسن"
حسن"مش محتاجة اساعدك فى حاجة"
ايناس"لا شكرا"
وخرج حسن من الاوضة... وتربست باب اوضتها عليها وهى بتلم هدومها وهى قلقانة من وجوده فى البيت معاها لوحدهم
ايمن... نزل من البيت الساعة 1 ونص الضهر
راح وقف عند موقف الميكروباص اللى قريب من بيته
فضل واقف ومش بيركب... وكل شوية يبص فى ساعته
شاف شروق جاية من بعيد
راح ناحيتها
ايمن"ازيك يا شروق"
شروق"الحمدلله"
ردت وهى بتكمل طريقها
ايمن"استنى يا شروق عايزك"
شروق"نعم"
ايمن"انا عايز اتكلم معاكى شوية"
شروق"خير"
ايمن"مالك"
شروق"مفيش"
ايمن"انتى متفغيرة معايا كده ليه يا شروق"
شروق"متغيرة ازاى يعنى"
ايمن"يعنى انتى مش اخدة بالك انى مهتم بيكى من زمان"
شروق"ملاحظة انك كنت مهتم بيا انما من فترة طويلة وانت مش مهتم خالص"
ايمن"انتى مش عارفة انى بشتغل"
شروق"لا هعرف منين"
ايمن"طيب انا عايز رقمك علشان فيه كلام كتير اوى عايز اقولهولك"
ابتسمت شروق ابتسامة فيها امل لايمن... امل يدل ان نظراتهم لبعض طول الفترة اللى فاتت كانت لها معنى هما الاتنين حاسين بيه
مسك ايمن موبايله... وسجل الرقم اللى قالته شروق
شروق"انا همشى بقى"
ايمن"طيب اكلمك امتى يناسبك"
شروق"اى وقت وانا لو مش هعرف ارد عليك هكنسل وان تفهم"
ايمن"ماشى... خلى بالك من نفسك"
ومد ايده يسلم عليها... وسلمت عليه وهى مكسوفة
وودعوا بعض بالنظرات والابتسامات
امل وهى بتلبس ونازلة
الام"نازلة ياامل"
امل"ايوه ياماما... رايحة الجامعة"
الام"متتأخريش علشان مش هقدر على البيت ومصطفى لوحدى"
امل"ياماما مش عارفة هتأخر ولا لا"
الام"حاولى معلش"
امل"حاضر"
الام"وهاتى الجدول لاخوكى زى السنة اللى فاتت...ده مأكد عليا الصبح قبل ماينزل"
امل"حااااااضر"
فى سيكشن الصحافة
كل واحد قاعد فى جنب بعيد عن التانى زى السنة اللى فاتت
وكان المعيد اللى بيدرس لهم صحفى مشهور فى جريدة شهيرة
وفى اخر السيكشن
"انا عايز تتقسموا مجموعات... انتوا عددكم 24 عايز كل مجموعة 4 افراد... كل مجموعة هتعملى مجلة حائط اسبوعية ومش عايزها منقولة انا عايز فيها اخبار وتحقيقات ومواضيع حديثة وعامة مش قد الجامعة وبس... والموضوعات المتميزة ممكن اساعدكم فى نشرها فى الجريدة باسمائكم"
وكلهم اتحمسوا وردوا ردود بفرحة
الدكتور"يالا كل اربعة يكتبوا اسمائهم مع بعض"
وبدأوا الطلبة يتجمعوا مع بعض... ويكتبوا كل 4 اسمائهم مع بعض فى ورقة ويودوها للمعيد بتاعهم
الدكتور"انا كده عندى خمس مجموعات... لسه مجموعة... مين مكتبش اسمه"
وبدأ كل واحد من الاربعة
امل...ايناس.. مازن.. ايمن
يبصوا حواليهم ...
الدكتور"اللى لسه مكتبش اسمه يقوم يقف اشوفه"
ووقف الاربعة وهما بيبصوا لبعض
"خلاص...انتوا الاربعة مجموعة مع بعض"
بعد السيكشن ما خلص
راح مازن لايمن
مازن"ازيك ياايمن"
ايمن"تمام الحمدلله...ازيك انت"
مازن"الحمدلله... هنعمل ايه فى المجلات دى"
ايمن"هنعملهم طبعا"
مازن"انت تعرف حد من البنات دول"
"بص يامازن المحجبة دى اسمها امل بس واضح انها شيخة لانها طول السنة اللى فاتت مكلمتش ولد نهائى وكلامها مع البنات قليل جدا والتانية دى اسمها ايناس وزى ماانت شايف كده باين عليها مستوى عالى وطالعة فيها ع الاخر لان هى كمان مش بتكلم حد من الدفعة خالص"
مازن"انت عرفت كل ده منين"
ايمن"من السنة اللى فاتت انت عارف ان مفيش محاضرة كنت بفوتها"
مازن"طيب مش المفروض نتعرف عليهم ونشوف هيعملوا ايه"
ايمن"اه المفروض... بس هما فين"
وبص ايمن ومازن حواليهم...مكنش فيه اى اثر لايناس او امل
راحت امل اول ما السيكشن خلص ورا المعيد
واول ما لحقته
امل"من فضلك يادكتور انا مش عايزة ابقى مع المجموعة اللى انا فيها دى"
الدكتور"ليه"
امل"معرفهمش"
الدكتور"طيب ماشى لو تقدرى تعملى بدل مع حد فى مجموعة تانية مفيش مشكلة"
امل"انا معرفش حد خالص فى الدفعة"
الدكتور"ليه؟؟انتى مُحولة من جامعة تانية"
امل"لأ"
الدكتور"اومال فى ايه"
امل"بصراحة انا مش بختلط بشباب نهائى"
الدكتور"بس دى حاجة مهمة للتعاون بينكم"
امل"وانا مش هعرف اشتغل معاهم لانى مش هتكلم معاهم"
الدكتور"براحتك...بس كده يبقى ملكيش درجات عملى عندى"[/size]
الرئيسية 
