[size=32]رجعت امل البيت... واول ما دخلت على اوضتها
دخل وراها ابراهيم
ابراهيم"مالك"
امل"مفيش حاجة"
ابراهيم"جبتى الجدول"
امل"اه... اتفضل"
اخد ابراهيم الجدول وخرج وهو بيقولها
ابراهيم"يالا علشان تتغدى معانا"
امل"حاضر"
ايناس قاعدة مع منى اختها
ايناس"منى حبيبتى عايزة حاجة اعملهالك قبل ما امشى"
منى"انتى هتمشى ليه"
ايناس"مفيش شوية وابقى ارجعلك تانى"
منى"لالا بلاش تمشى الله يخليكى خليكى قاعدة معانا... ده حتى حسن مأكد عليا مسيبكيش تروحى ابدا"
ايناس"ليه بس انا قلت من الاول كام يوم هنا وكام يوم هناك"
منى"علشان خاطرى خليكى معايا...حتى فى الشهور الاولانية دى مش ماما قالت انى ممكن اتعب...محتاجاكى هتسيبينى؟؟"
وبعد تفكير للحظات
ايناس"لا طبعا مقدرش اسيبك"
جه حسن وهما قاعدين
حسن"ازيكم... ازيك ياحبيبتى... ازيك ياايناس"
وراح قعد جنب منى
ايناس"الحمدلله... هقوم احضرلك الغدا"
حسن"وانتوا مش هتتغدوا معايا"
منى"معلش بقى احنا سبقناك"
دخلت ايناس المطبخ... وهى واقفة بتسخن الاكل
لقيت حسن وراها
حسن"احنا هنتغدا ايه النهاردة"
كان قريب منها اوى وهى واقفة... بحجة انه بيبص على الاكل اللى على البوتاجاز
لو طلعت لقدام هتلزق فى البوتاجاز
لو رجعت لورا هتلزق فيه
يمينها حيطة وشمالها ايده اللى بيشيل بيها غطا الحلة اللى على البوتاجاز
مسكت الغطا اللى فى ايده
وندهت على اختها
ايناس"يا منااااااااااااااا تعالى شوفى جوزك"
ارتبك حسن وساب اللى فى ايده ورجع لورا وبعد عنها
حسن"ايه فى ايه؟"
وصوت منى"فى ايه يا ايناس"
وخرجت ايناس من المطبخ
"مش قادر يستنى الاكل لما يسخن وعمال يقولى هناكل ايه هناكل ايه"
وضحكت منى
منى"انا اتخضيت يا بنتى قلت زعلك ولا حاجة"
ورد حسن وهو بيحاول يظبط صوته المتوتر
حسن"وانا اقدر ازعل ايناس برضه اخت مراتى حبيبتى"
بعد يومين فى الجامعة وبين المحاضرات
راح ايمن لمازن
ايمن"ايه يامازن هنعمل ايه فى العملى"
مازن"مش عارف بس يمكن البنات يتصروفوا ويعملوه"
ايمن"وافرض عملوه ومكتبوش اسمنا"
مازن"دى تبقى قلة اصل منهم"
ايمن"ليه هو احنا اشتغلنا ولا عملنا حاجة"
مازن"وهو احنا عارفين نتلم عليهم"
ايمن"تعالى نشوفهم اكيد موجودين ونتكلم معاهم ونشوف"
مازن"يالا"
وراح ايمن ومازن يدوروا عليهم
شافوا ايناس قاعدة فى جنب لوحدها بتتكلم فى التليفون
وقفوا بعيد ولما خلصت... راحوا الاتنين ناحيتها
وقفوا قصادها وكل واحد مستنى التانى يبدأ
بصت لهم ايناس... نظرات تساؤل فى عينيها
ايمن"صباح الخير ياايناس"
ايناس"اهلا"
ايمن"انا ايمن وده مازن زمايلك فى الدفعة"
ابتسمت لهم بترحيب
ايناس"اه عارفاكم طبعا...خير"
ايمن"انتى نسيتى ان مطلوب مننا مجلة كل اسبوع والمفروض نبدأ نشتغل فيها"
ايناس"ااااااه صحيح... انا مش نسيت بس كنت فاكراكم هتتصرفوا"
مازن"يعنى ايه نتصرف... المفروض انتوا اللى تعملوها"
ايناس"نعم.. المفروض؟؟واحنا؟؟احنا مين؟؟"
مازن"يعنى ده شغل انتوا البنات تقدروا تعملوه اسهل"
ايناس"ده على اى اساس... على اساس مثلا العملى على البنات والنظرى عليكم"
مازن"انتى بتتريقى عليا"
ايناس"انت اللى بتقول كلام غريب"
ايمن"ايه ياجماعة صلوا ع النبى.... احنا كلنا هنساعد بعض مش حد اه وحد لا"
ايناس وهى بتبص لايمن"ايوه كده هو ده الكلام"
ايمن"طيب فين امل بقى"
مازن"لو معاكى تليفونها اتصلى بيها شوفيها فين"
ايناس"معتقدش ان دار بيننا كلمتين على بعض مش تبادل ارقام تليفونات"
ايمن"اهى... هناك اهى"
وكانت امل جاية ناحيتهم... استنوا لما قربت منهم
وبدأت ايناس بالكلام معاها
ايناس"امل... انتى معانا فى المجلة صح"
ووقفت امل مش قادرة ترد... تسيبهم وتمشى ولا تقف تكلمهم
يعنى هتقف تكلم ناس مينفعش تختلط بيهم
سواء ايناس بلبسها وشعرها اللى يبين ان اخلاقها مختلفة تماما عنها
او الشباب اللى مش ممكن تختلط بيهم ابدا
مازن"ايه ساكتة كده ليه...انتى سامعانا"
وشاور لها بايده باشارات الصم والبكم
احرجت امل... ووقفت لحظات بتحاول تستجمع شجاعتها ترد عليه
بس حست بالدم بيغلى فى وشها وراسها.... والدموع بتملى عينيها
سابتهم وجريت
ايناس "تصدق انت مستفز ومعندكش دم"
وجريت ايناس وراها... وحاول ايمن يروح وراهم...بس شاف امل دخلت الحمام وايناس دخلت وراها
رجع ايمن تانى لمازن اللى واقف مكانه وباين عليه الاحراج
ايمن"انت ليه احرجتها كده"
مازن"انا اللى محرج جدا.... انا مكنتش اقصد اضايقها انا فاكرها بجد مش بتتكلم او عندها مشكلة لانى مشفتهاش بتكلم حد قبل كده"
ايمن"بس ده مكنش باين من كلامك"
مازن"والله مااقصد حاجة وحشة...انا شاورت لها علشان بس ترد علينا"
ايمن"لازم تعتذر لها يا مازن لان ميصحش كده"
مازن"حاضر ...طبعا طبعا"
لما دخلت امل الحمام كانت بتعيط اوى وايناس وراها
ايناس"متزعليش ياامل"
طبطبت عليها... وطلعت مناديل من شنطتها
"اهدى بقى... انتى بتعيطى ليه بس"
امل مش بترد... بتعيط بس
"لا بقى كفاية... الموضوع مش مستاهل كنتى رديتى عليه ولا اديتيله قلم على وشه بدل ماتعملى فى نفسك كده"
وضحكت امل من جملة ايناس...لما تخيلت نفسها بتضرب مازن
ايناس"بتضحكى...الحمدلله...بس بتضحكى على ايه"
امل"بتقولى اضربه"
ايناس"اه تضربيه ولا تزعلى نفسك بالشكل ده"
بدأت امل تمسح دموعها وغسلت وشها
ايناس"خلاص هديتى الحمدلله...على فكرة انا شتمتهولك"
امل"يستاهل... اصله احرجنى اوى"
ايناس"انتى اللى باين عليكى حساسة زيادة عن اللزوم"
امل"مش حساسة ولا حاجة بس اول مرة شاب يكلمنى وتكون بالطريقة دى مقدرتش بجد"
ايناس"بصى انا نسيت اعرفك بنفسى"
امل"عارفاكى ياايناس"
وابتسمت لها ايناس...
ايناس"بصى بقى انتى هتخرجى ولو شفتيه خليكى واثقة من نفسك وتردى
عليه وخدى حقك منه"
امل"لا انا مش عايزة اتكلم معاه"
ايناس"امممم بس..."
امل"بس ايه؟؟"
ايناس"العملى اللى كلنا لازم نشتغل فيه مع بعض على فكرة السيكشن كله بدا يقسم الشغل انا شايفاهم ده فيه بداوا يعملوا المجلة كمان"
امل"بس انا مقدرش اختلط بشباب خالص... اخويا لو عرف مش عارفة ممكن يعمل ايه"
ايناس"بس انتى مش بتختلطى للدلع ولا الهزار دى دراسة وضرورة"
امل"انا عندى فكرة... انا وانتى نعمل شغلنا مع بعض وهما يعملوا شغلهم مع بعض"
ايناس"ماشى... مفيش مشكلة... انتى ناوية تقضى باقى اليوم هنا فى الحمام"
وبصت امل فى ساعتها وهى بتضحك
امل"يالا ... معاد المحاضرة كمان 5 دقايق...يدوب نلحق"
وخرجوا الاتنين.... رايحين على المحاضرة
ايمن ومازن كانوا مستنيينهم قدام باب المدرج
ولما قربوا امل وايناس علشان يدخلوا المحاضرة[/size]
الرئيسية 
ً لك