[size=32]ايمن"مالك يا شروق... انتى فين"
شروق"انا فى البيت"
ايمن"بتعيطى ليه"
شروق"علشان انت كلامك طلع صح... قرايبنا عندنا وسمعتهم بيطلبوا ايدى لابنهم"
ورد وهو بيزعق لها
ايمن"وبتقوليلى ليه...علشان اقولك مبروك... ماشى يا شروق مبروك عليكى"
شروق"انت بتزعقلى"
ايمن"وانتى بتعيطى لى انا ليه... فى ايدى ايه اعمله"
شروق"خلاص ياايمن انا غلطانة انى كلمتك...مع السلامة"
وقفل ايمن معاها والنار طالعة من عينيه
وكلهم سألوه فى نفس واحد
"حصل ايه"
ايمن"الهانم بتقولى ان عندهم عريس بيخطبها... بكل بجاحة"
مازن"اهدا ياعم... عادى بكرة تعرف غيرها"
ايمن بيحاول يكون طبيعى... حاسس ان دموعه هتنزل
امل"انت ردك عليها كان قاسى اوى ياايمن"
ايمن"يعنى عايزانى ابارك لها مثلا"
ايناس"ايمن انت انسان كويس وبتحبها وهى شكلها بتحبك بلاش تقسى
عليها كده"
ايمن"اعمل لها ايه"
امل"اقف جنبها ومتخليهاش تحس انها لوحدها"
مازن"خلاص انا هتصرف"
ايمن"هتعمل ايه وانت تعرف العريس ده"
مازن"عريس مين يا ايمن انت كمان انا بتكلم فى مشكلة ايناس"
ايناس"والنبى بجد لقيت حل"
مازن"اه اطمنى خلاص"
ايمن"هتعمل ايه"
مازن"خليك فى مشكلتك انت بس وانا هتصرف"
امل"انا هقوم بقى قبل ما تحصلى مشكلة انا كمان"
مازن"استنى اوصلك"
امل"لا يا سيدى انا حظى حلو وممكن الاقى اخويا فى وشى"
ايناس"هوصلك ياامل "
امل"ايمن هتعمل ايه"
ايمن"مش عارف"
امل"كلمها"
مشيوا امل وايناس... وايمن مع مازن بيوصله
وهو فى العربية مع مازن كمان مش عارف يقعد ولا يتكلم من ضيقه وخنقته... مسك الموبايل واتصل بيها
ايمن"الو... اقول مبروك ياعروسة"
شروق"انت مش اتخليت عنى وانا محتجالك بتتريق عليا ليه"
ايمن"انا اتخلى عنك... انتى اللى جاية تقوليلى هتتخطبى"
شروق"اولا انا قلت اتقدملى مقلتش اتخطبت...ثانيا قلتلك قبل كده انا بحبك انت ومش هحب حد غيرك كنت فاكراك هتقوينى مش تيجى عليا"
ايمن"متزعليش انا بحبك وبغير عليكى ومستحملتش تقولي كده"
ضحك مازن وهو جنبه
مازن"ياناس راعوا شعور شاب وحيد مفيش حد يقوله ربع الكلام ده"
وارتبك ايمن... وبص لمازن وهو مكسوف
ايمن"شروق هكلمك لما اروح... علشان نعرف ناخد راحتنا...هو العريس لسه عندك"
شروق"لا... انا قلت لبابا مش عايزاه ولا عايزة ارتبط بدرى خالص وبابا اصلا مكنش عنده الرغبة انه يخلينى ارتبط بدرى"
ايمن"اومال ليه حرق الدم ده"
شروق"ماهو ده حصل بعد مكالمتنا مش قبلها"
ايمن"طيب ياحبيبتى متزعليش منى واول ما اروح هكلمك"
بعد ما قفل معاها... ضحك مازن وهو بيقوله
مازن"حلو الحب مش كده"
ايمن"هتعرف لما تجرب"
مازن"مش عارف ليه محبيتش خالص ولا حاسس ان فيه واحدة ممكن احس انى بحبها اوى بالدرجة اللى بسمع عنها دى"
ايمن"مين عارف مش يمكن ييجى الحب فجأة"
مازن"ربنا يجيبه بالسلامة...حتى الحب سايبنى زى ماما وبابا"
ايمن"هتعمل ايه مع الزفت عادل ده"
مازن"فكرة كده فى دماغى وربنا يسهل"
بعد يومين
اتصل مازن بايناس الضهر... وكان يوم مفيهوش امتحان
ايناس"الو... ازيك يا مازن"
مازن"ازيك انتى ياايناس... بقولك ايه انتى لوحدك ولا حد معاكى"
وبرقت ايناس عينيها... حتى مازن كمان زيهم
وبيفكر بنفس طريقتهم... وليه لا ماهو راجل زى كل الرجالة
بنفس التفكير ... وخصوصا بعد ماعرف حكاية عادل
مازن"ايناس سامعانى... انتى لوحدك"
ايناس"وانت بتسأل ليه"
قالتها وهى شبه بتزعق
مازن"مالك ؟؟بصى لو حد عندك اتحججى باى حجة وانزلى عايزك ضرورى"
ايناس"عايزنى فى ايه"
مازن"تعالى بس انا قدامى 10 دقايق وابقى فى الكافيه اللى اتقابلنا فيه اول امبارح...الموضوع مهم"
ايناس"طيب جاية"
قالتها ايناس وهى قلقانة منه وفى نفس الوقت وجودهم فى مكان عام مطمنها
لما وصلت ايناس...شافت مازن قاعد
راحت ناحيته وقعدت قصاده
مازن"خدى ياايناس"
ايناس"ايه ده"
مازن"ده الهارد بتاع كمبيوتر عادل"
مسكته ايناس وهى مش مصدقة نفسها...هتطير م الفرحة
واتكسفت من نفسها علشان ظنت فى مازن ظن سوء
ايناس"انت جبته ازاى"
مازن"عملت مغامرة وربنا ستر"
ايناس"ههههه احكيلى"
مازن"مفيش يا ستى انا عارف ان النهاردة عادل عنده امتحان من 9 ال12 روحت بيته الساعة 10 وقلت لمامته انه محتاج حاجة من الكمبيوتر وعايزها الساعة 12 ومش هيلحق ييجى بعد الامتحان وبعتنى اخدها...مامته طبعا ولا سألت حاجة ايه ولا هى فاهمة انا هعمل ايه...دخلت فتحت الكمبيوتر وكان مفتوح على الفيس والميل دايركت دخلت اتأكدت ان مفيش حاجة ع الفيس ولا الميل وقمت فاكك الجهاز وجبت لك الهارد بحاله علشان خفت لو مسحتهم يرجعهم تانى ويضايقك"
ايناس"ولما يعرف"
مازن"ولا يقدر يواجهنى ولو واجهنى هتصرف انا ملكيش دعوة"
ايناس"مازن انا مش عارفة اقولك ايه...انا اسفة"
مازن"اسفة على ايه"
ايناس"حاجات كتير ... اسفة انى صدقت عادل وخبيت عليك واسفة انى خفت منك النهاردة"
مازن"خفتى منى انا"
ايناس"لما قلتلى انتى لوحدك خفت"
مازن"انا بسألك علشان نزولك ميبقاش فيه مشكلة لو مامتك او باباكى فى البيت وعموما احسن برضه لما تخافى على نفسك انا مش زعلان"
ايناس"انت رائع يامازن"
مازن"وانتى كمان ياايناس ...لولا انى عارف انك كويسة جدا واكيد متعمليش حاجة غلط مكنتش ساعدتك"
مازن"ربنا يخليك ليا ونفضل دايما اصحاب"
ايناس"ربنا يخليكوا انتوا ليا ونفضل دايما اخوات"
"انا هكلم امل اطمنها"
مازن"ماشى... يالا بقى علشان الامتحانات السنة دى كانت منحوسة اوى
وكل واحد فينا حصلت له مشاكل افقدته تركيزه"
ايناس"ربنا يستر ويعدى السنة دى على خير"
يوم النتيجة...كانوا كلهم مع بعض
امل وايناس بيعيطوا... ومازن وايمن بيحاولوا يهدوهم
مازن"بقولكم ايه بقى احنا الحمدلله اننا عدينا...احنا اه شيلنا مواد بس كلنا طالعين سنة 3 مع بعض ودى اهم حاجة اننا مش هنتفرق"
ايمن"صح دى اهم حاجة... ولا ايه رايكم"
امل وايناس بطلوا عياط وابتسموا
"طبعا طبعا"
مازن"انا عازمكم على الغدا بقى النهاردة علشان هسافر اقضى الاجازة عند ماما وبابا ومش هعرف اشوفكم غير السنة الجاية"
امل"يااااااه هنقعد الاجازة كلها منشوفكش يا مازن"
مازن"لو معجبنيش الحال هاجى ومش هطول"
ايناس"امل اتجرأت ومبقتش تخاف من اخوها"
امل"ماهو خلاص بقى عارف انى مستغناش عن ايناس وانى بروح لها واخرج معاها...ميعرفش ان فيه ايمن ومازن والا كانت مصيبة"
ايمن"المهم اننا مع بعض... على فكرة شروق هتنضم لنا السنة الجاية لانها ناوية على اعلام برضه"
ايناس"جميييييل وتبقوا مع بعض كل يوم..ومعانا طبعا"
فى اول يوم دراسة... اتجمعوا مع بعض كلهم... ومعاهم شروق
كانوا كلهم مشتاقين لبعض شوق الاخوة والاصحاب
وهما قاعدين فجأة... قالهم مازن
"بصوا بقى انا عايز اقولكم حاجة مهمة جداااااااااا ولازم تعرفوها"[/size]
الرئيسية 
