منتدى امراء الابداع
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


تطوير - تصميم -اشهار - ابداع - تومبلايت - خدمات مجانية
 
الرئيسيةالرئيسية  مشروع تصميممشروع تصميم  أحدث الصورأحدث الصور  التسجيلالتسجيل  دخول  

 

  لا تسأليني من أنا شَاعر مقيد با الحنين

اذهب الى الأسفل 
كاتب الموضوعرسالة
el joker
عضو نشيط
عضو نشيط
el joker


ذكر عدد المساهمات : 140
نقاط : 420
السٌّمعَة : 0
تاريخ التسجيل : 14/07/2014

 لا تسأليني من أنا شَاعر مقيد با الحنين Empty
مُساهمةموضوع: لا تسأليني من أنا شَاعر مقيد با الحنين    لا تسأليني من أنا شَاعر مقيد با الحنين Emptyالخميس يوليو 17, 2014 9:56 pm

لا تسأليني من أنا شَاعر مقيد با الحنين
شآعر مقيد بِـ الحنين .. مآ ذآق فيّ عمره " هنآ " !
و قلبَه منْ الفرقى حزيييين !
أول حيَآته فـ ( عنآ ) .. وآ خر محطآته سجين !










نصفي : تَعب !

ضمير الوقت نايم يارفيقي والقلوب أرهاف
وسواليف الرحيل تشدّني والليل يغويني
وأنا ليلي قصايد يارفيقي ماعليه خلاف
حكايا والحكايا ودّها في صمت تغريني
سبح وجه الورق في داخلي وأفكاري المجداف
سيول الهم ّمالت في بحر حزني تخاويني
أغني للشقا وأنشد ترانيمي وأرد القاف
وتحدر دمعتي وأجرّ عبراتي وأخليني
تذكرت الفراق وفزّ ضيقي والضلوع ضعاف
وأنا مالي على حد الهوى قلب ٍيواسيني
حزين وضايقٍ صدر الحزين ودمعته تنشاف
تفرد هالحزن ياصاحبي وأثقل موازيني
تمرد في طريقي ليتني جنبت عنه وراف
يبرد حرته في وسط قلبي والعنا فيني
تخيل هالصباح إليا عبس في ضحكتي وأنعاف
تخيل كيف يكسر خاطري ويرد ينفيني
تخيل هالشعور اللي نما ياصاحبي ما خاف
تخيل هالوطن من كثر ما أحبه يبكيني
طريدٍ ماشكيتك يا وطن لو بعتني بأجحاف
أبصبر وأتحمل لو غزير الدمع يشقيني
أنا نصفي تعب والنصف الأخر للهموم لحاف
أنا وجهي ذبولٍ ماعرف طعم الفرح فيني
أنا باب خلعه الريح ليلة والعروق خفاف
وحيدٍ مالقيت اللي يرد الضيم عن عيني
أنا اللي ماعرف يلقى لـ قلبه فلسفة وأوصاف
أنا اللي ضايعٍ بين الطموح وخيبة سنيني
تعال ورد هالعالم لقلبي وأعطني الأنصاف
تعال وردني يمّ الطريق ولا تخليني
رفيقي يا رفيقي أشتكي لك والسنين عجاف
أبي لا ضاقت ضلوعي ألم قلبٍ يهديني




يكفيّ . .

يا غايبه ما عـاد فيهـا يقولـون
اللي خذيتـه مـن غيابـك يِِكَفّـي
يكفي تعب يكفي معانـاة وظنـون
يكفي ألـم كـل الخلايـق بكفـي
أنتِ تركتيني على شان يرضـون
عذال قلبـي مـا وقفتـي بصفـي
غبتي وصرتي شيخة اللي يغيبـون
يومك مرادي واللقاء فيـك شفـي
واليوم ابنسى مثل ما الناس ينسون
والنار في قلبي مع الوقت تطفـي
بعلمك وشلـون الأحـرار يقفـون
وأعلمك وشلون الأشـواق تقفـي







يَ حيآة الشقى . .


بين نار الفـراق وسلسبيـل اللقـى
بين صمت التجافي وأنهمار الغـرام
هو بقى شي منـي يستحـق البقـى
غير ضيم الليالي وأنت عنـي تنـام
ايه أقلب قصيدي والظروف أمحقـى
شفت أخر محطاتـي وذاب الكـلام
والله أني وهمي صايريـن أصدقـى
مرتكز في ضلوعي من ثلاثة عـوام
ما أقاوم حضوره بالفؤاد أرتقـى
قادنـي للضيـاع وجرّنـي للظـلام
ماشي ٍ في طريقي ياحيـاة الشقـى
المسافة طويلـة والمحانـي حطـام
ياعدّيم المشاعر وبل دمعـي سقـى
وجهي اللي من اللوعات أضحى عدام
كيف ترسل حروفك في دعاو النقـى
وأنت تارك حبيبك في حياته يضـام
ليه خيبت ضنه خافـق ٍ بـك هقـى
عاش لأجلك وخلى في يديك الزمـام




كل ماضاق صدري . .

كل ماضاق صدري سولفن الضلوع
سولفي ياضلوعي في ليال التعب
أسهري فوق جرحي وأشعلي هالشموع
وأن بغيتي حقيقة جرح قلبي عطب
سولفي وأن تعبتي صوتي للدموع
دمع عيني حلالك مالنا بالعتب
أستبيحي عيوني والشقا ألف نوع
وأمسحي دمع عيني في كموم النصب
آه ياحزن ليلة في حساب السبوع
آه ياطول ليلي يوم همي ضرب
كنّ ساعات حزني أبتدت بالرجوع
كنّ سيل الثواني والدقايق نضب
كنّ ماعاد باقي شي وأموت جوع
وأتجرع مرارة قلب خل ٍ كذب
كان ميعاد وصلي في نهار الربوع
فات يوم الربوع وفي عروقي لهب
ولعي ياعروقي وأحرقيني بطوع
من جحد يوم وصلي واللقاء مرتقب
ذنبي اللي جنيته بالزمان القطوع
التجافي وهجري بعد قطف العنب
أسكتي ياضلوعي مالنا بالخضوع
ومالنا بالسوالف دام موتي قرب





ي عزي لحآلي . .

يابرّي قـلبي وياعزّي لـ حالي
من مواعيد الهنوف النرجسيه
جادلٍ تسطي على فكري وبالي
وتحدّاني وأنا مافيّ يديه
ومن كثر ما أحلم بها والحلم غالي
وأتشفق شوفها صبح وعشيه
والله إني صايرٍ كنّي هلالي
يحلم بكاس آسيا والعالميه







للشآعر :سطآم الشآمان
الرجوع الى أعلى الصفحة اذهب الى الأسفل
 
لا تسأليني من أنا شَاعر مقيد با الحنين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى امراء الابداع :: قسم الادب والثقافة والشعر :: همس القوافي والشعر :: الخواطر والنثر-
انتقل الى: