(( نجمة سهيل ))
ياليل يكفي بالسهر نجمة سهيل
ترسم غلاها كل ما لاح سارح
حتى عبت فيني وسوم وتراتيل
والقلب ضايع بين داله وجارح
ياليل هونك فالأماني مراسيل
والنفس نحفظها بحفظ الجوارح
فالعين شفقانه على مدة العين
والأذن تسمع والروايا مضارح
والكيف يعزف للغوالي مواويل
والقلب مشتى والمحاني بوارح
ويصفق الجهمور ياليييل ياليل
ويهز نبضي بإهتزاز المسارح
احيانا اعيش بها مع كذبة ابريل
واحيان لعيونك جروحي تقارح
وارمي همومي بين آه وتعليل
والحال ماشفّع سلوم المصارح
مابين ذاك الجيل وبحاضر الجيل
قبت / صنوف الكارثة كل مارح
فالقلب من شينه على كثر ماقيل
ما نام ليله / ياهل الطيب / فارح
يقنب قنيب اللي غشته التهاويل
ويبين صبحه مالقى علم شارح
حتى كساه الليل عقب القناديل
والروح غابت وألأماني تطارح
ياليل هونك ماترى نجمة سهيل
بانت / فعايلها / بليلة امبارح ..!!!
الرئيسية 
ً لك