فديـت عيـونك

السلام عليكم ..

يسعد الله ايامكم ..

ابيآت لـ َ شآعر مدغم بو شيبه

عسى ان تنآل اعجآبكم مثل ما نآلت اعجآبي

اخليكم مع الابيآت ..



.

.



فدوة عيونك يامحبوبي فديت عيونك .. واحدٍ لاقوّم الدنيا ولاقعّدها

خل سكينك تغلغل ليـن يكبر كونك .. طعنتين وطعنتين وطعنتين و عدها!!


تل قلبي وأحطب ضلوعي وأنا ممنونك .. خلّها بيديك واحدها تلو واحدها

كل ماتليت واحد قلت لك ياعونك .. كنّي أرفع معنوية ايديك واساعدها!!

لأجل مأرسم شامة التنكيد بين جفونك .. اتظاهر لك بعافيتي !! وأنا ماجدها

إنس مرّة قلت لك مالي دخل في شونك .. وأعرف أنّي معترف فيها وأنا جاحدها

الغني الله مابي جرد السنين بدونك .. لو تصير أغلى سنيني كلّها وأسعدها

لا تخاف القلب قلبك والطعون طعونك .. والحنايا رهن رمح منك ياسيّدها

أجرح أذبح سو ماودّك ترى مجنونك .. مايواعد طعنه الاّ جات في موعدها

تحرسك عيني عسى الله يحرسك ويصونك .. يوم طيفٍ من جفاك وغربتك عاودها

ما أستعيد الذاكره لين أتهجى لونك .. كنّي أدوّر بوجهك حاجةٍ فاقدها ؟!!

وأن نزل شوفي على تفاحك وليمونك .. مالي الاّ عظّة شفاهي تحت ناجدها

وأن جذبت من اللحون اللي سواة لحونك .. ودّع الله ليلتك !! وأسهر ولا ترقدها

أنت ملهمني وأنا في الشعر ابن لعبونك.. لاطلب منك الشهادة زور لاتشهدها

والله أن أهزّ خصرك قبل أهزّ شجونك .. لا أنحنت روس القصايد وألتوى ساعدها

عادتي ماني بخونك .. وأن بغيت أخونك .. قلت ميد الفاتنه لامن عطتني يدها

كنّ فنّ الشعر مستوحى من أصل فنونك .. والفراهيدي بحور الشعر منك أوجدها

إنسي أسمك وأنسي أيّة عالمٍ يعنونك .. والبسي ثوب القصيده وأقعدي مقعدها

فدوة عيونك يارعبوبه فديت عيونك .. شاعرٍ لاقوّم الدنيا ولاقعدها


.


وسسسسلآمتكم