[size=32].
في بيت ايمن ... ساعة الفجر
الام خارجة من الحمام و بتنشف من الووضوء
راحت ناحية اوضة ايمن وفتحتها
[size=32]الام:[/size]"انت صاحى منمتش لسه"
[size=32]ايمن:[/size] "اه بذاكر"
[size=32]الام[/size] "طيب قوم اتوضا علشان نصلى مع بعض"
قام ايمن
[size=32]ايمن:[/size] "انا هتوضا بس هنزل اصلى جماعة"
الاب بيفتح الباب وداخل
[size=32]الاب:[/size]"سلامو عليكو"
ايمن ومامته:"وعليكم السلام"
[size=32]ايمن[/size]"بابا كنت عايزك ومستنيك من امبارح"
[size=32]الاب:[/size]"نعم"
[size=32]ايمن[/size]"الامتحانات الاسبوع الجاى ومحتاج فلوس اجيب كتب مهمة"
[size=32]الاب[/size]"ان شاءالله"
[size=32]ايمن[/size]"ان شاءالله بس امتى"
[size=32]الاب[/size]"لما ربنا يفرجها"
[size=32]الام[/size]"وهيفرجها امتى بقى"
[size=32]الاب[/size]"خليكى فى الصلاة اللى هتصليه وادعى ربنا يرزقنا"
[size=32]الام[/size]"ماهى المشكلة ان ربنا بيرزقك من وسع انما كله رايح فى اللعب الزفت اللى بتلعبه"
وزعق واتنرفز"يووووووووو هى اسطوانة مش هتزهقى منها ابدا"
ودخل اوضته ورزع بابها عليه
[size=32]ايمن[/size]"ياماما انا كنت بحاول معاه بالذوق"
[size=32]الام[/size]"وده نافع معاه ذوق ولا عافية... استغفر الله العظيم"
خدت الام الطرحة والسجادة وبدأت صلاة
ودخل ايمن الحمام يتوضا
مازن قاعد فى شقته على الارض فى الانتريه
وقدامه الترابيزة مليانة طفايات سجاير
وقاعد جنبه عادل بيلف سجارة
[size=32]مازن[/size] "ولا ياعادل... انت ازاى بتنجح كل سنة؟"
[size=32]عادل[/size] "عبقرية يابنى"
[size=32]مازن[/size] "انا بتكلم بجد"
[size=32]عادل[/size] "اخر اسبوع بركز فى المذاكرة واجيب ملخصات وملازم واقعد ادح واقعدى وخلاص ده غير انى مظبط مع صحباتى البنات فى العملى بيشتغلوا هما ويكتبوا اسمى على الشغل ع الجاهز واهو بتمشى"
[size=32]مازن[/size]"ااااه يعنى مش ناسى نفسك"
[size=32]عادل[/size]"لا طبعا الحشيش بيعمل دماغ اه انما مضيعش مستقبلى علشانه"
سكت مازن وهو حاسس انه ضيع سنتين من عمره هباء
[size=32]مازن[/size]"طيب كفاية كده بقى النهاردة احنا بقينا الفجر"
[size=32]عادل[/size]"ماشى ياعم مازن اطردنى بالذوق"
قام عادل وهو بيفتح الباب... سأله مازن
"متعرفش حد بيعمل ملخصات ولا حاجة الحق نفسى بيها"
[size=32]عادل[/size]"شوف دفعتك اكيد هتلاقى حد بيصوروا منه المحاضرات المهمة وحد معاه ملازم وكده يعنى"
[size=32]مازن[/size]"بس انا مبكلمش حد من دفعة السنة دى خالص"
[size=32]عادل[/size]"اتصرف يامازن لو عايز تلحق نفسك بكرة الجمعة السبت بقى وعليك خير
ابقى شوف"
اوضة امل... امل نايمة ومامتها بتصحيها
"ياامل... قومى ياامل"
[size=32]امل[/size]"نعم ياماما"
[size=32]والدة امل[/size]"قومى يابنتى ساعدينى اخوكى ومراته جايين وعايزين نخلص كل حاجة قبل ما ييجوا"
[size=32]امل[/size]"حاضر ياماما"
وقامت امل...
الساعة بقت 2 الضهر... امل بتطفى على كل عيون البوتاجاز
الباب خبط.... فتحت الام
دخل ابراهيم شايل مصطفى ابنه الصغير ومراته الفت الحامل
وسلموا على بعض كلهم
وقعدوا ابراهيم ومراته... وبدات امل ومامتها يحضروا الاكل
بعد الغدا قام ابراهيم ومراته
وامل ومامتها هما اللى كانوا بيلموا الاكل وبيعملوا المطبخ
وفضلت امل واقفة فى المطبخ وسامعاهم عمالين يتكلموا كلهم ويتفرجوا على التليفزيون
واول ما خلصت طلعت قعدت معاهم شوية
[size=32]امل[/size]"انا هقوم اذاكر شوية عايزين منى حاجة"
[size=32]الفت[/size]"امل معلش خدى مصطفى شطفيه وغيريله"
[size=32]امل[/size]"حاضر"
واخدته امل وبعد ما خلصت ورجعت تديه لمامته
[size=32]ابراهيم[/size]"اعمليلى كوباية شاى ياامل"
[size=32]امل[/size]"حاضر"
وفضلت امل بين المطبخ وبين مصطفى وبين طلبات اخوها
ومعرفتش تذاكر طول ماهما موجودين
ايناس قاعدة مع مامتها وباباها على السفرة
[size=32]ايناس[/size]"ياااااااه ياماما بستنى من الجمعة للجمعة علشان نتغدا مع بعض"
[size=32]الام[/size]"معلش ياحبيبتى هنعمل ايه فى شغلنا بس"
[size=32]الاب[/size]"وانتى عاملة ايه فى كليتك"
[size=32]ايناس[/size]"كويسة الحمدلله"
[size=32]الام[/size]"واصحابك جداد ولا اتعرفتى عليهم السنة دى"
[size=32]ايناس[/size]"مليش اصحاب حاليا كل اصحابى القدام اتفرقنا بعد الثانوية العامة والجداد معرفهمش ولقيت نفسى مش عايزة اتصاحب على حد"
الاب قام بعد ما خلص من غير ما يرد على ايناس ولا يعلق على كلامها
[size=32]الام[/size]"اومال بتخرجى مع مين"
[size=32]ايناس[/size]"اصحابى القدام لما بنلاقى وقت بنخرج غير كده ببقى قاعدة لوحدى وساعات بروح لمنى او منى بتيجى عندى"
[size=32]الام[/size]"اه صحيح منى اخبارها ايه انا بكلمها بس شموفتهاش من زمان"
[size=32]ايناس[/size]"كويسة الحمدلله...طيب ماتيجى نروح لها شوية النهاردة وفرصة
ياماما نحس اننا اسرة عادية وليهم وقت مع بعض"
الام"فكرة كويسة... هى وحسن عاملين ايه؟؟مبسوطين؟؟"
[size=32]ايناس[/size]"الحمدلله منى مبسوطة اوى بجوازها من اللى بتحبه ربنا يسعدهم يارب"
[size=32]الام[/size]"عقبالك ياايناس"
ورن موبايل الام... قامت ترد
دخلت اوضتها وهى بتتكلم ...دخلت وراها ايناس
"جهزوا العمليات... ساعة بالكتير ان شاءالله"
وبعد ماقفلت...ايناس فهمت المعنى
[size=32]ايناس[/size]"هتنزلى"
[size=32]الام[/size]"ماانتى سمعتى اهو... مضطرة انزل حالا"
وراحت الام ناحية الحمام وخرجت بدات تستعد للنزول
يوم السبت فى الجامعة
مازن مش عارف يسأل مين على الحاجات المهمة
عينه بتدور بين الناس الموجودة
مش عارف يسأل مين لانه ميعرفش حد ومفيش بينه وبينهم اى علاقة انه يطلب من حد مساعدة
ايمن كان بيصور ورق فى مركز كمبيوتر وتصوير قريب من الجامعة
شاف اعلان مكتوب
"مطلوب شباب للعمل بالمركز"
وبدون تردد سأل على الاعلان ونظام الشغل
وعرف انه هيبقى من الساعة 4 العصر ل10 بالليل
وهياخد مرتب 500 جنيه
اتفق مع صاحب المركز واستلم الشغل فى نفس اليوم
مازن وهو ماشى بعد ما يأس انه يلاقى حد يسأله
لمح ايمن فى مركز التصوير بيشتغل... وهو عارفه شكلا
قرب منه وهو بيفكر يسأله
[size=32]مازن[/size]"لو سمحت انا بسأل الاقى ملازم او اى ملخصات لاولى اعلام"
[size=32]ايمن[/size]"هو مفيش هنا... بس احنا دفعة واحدة على فكرة"
"انا مازن"
"اه طبعا اهلا اهلا... انا ايمن... لو محتاج حاجة انا ممكن اساعدك"
[size=32]مازن[/size]"بصراحة انا معرفش حد اخد منه الحاجات المهمة وزى ماانت عارف الامتحانات خلاص ع الابواب"
[size=32]ايمن[/size]"انت معاك الكتب"
[size=32]مازن[/size]"فيه كتب جبتها وفيه لا بس ممكن اجيبها عادى يعنى"
[size=32]ايمن[/size]"طيب بص يامازن انا معايا المحاضرات ومش هعرف اشترى الكتب ممكن تكمل انت الكتب واهو نكمل بعض ونذاكر"
[size=32]مازن[/size]"ياريت فكرة ممتازة بس انا كده هتعبك معايا"
[size=32]ايمن[/size]"لا ابدا.... لو فاضى نتقابل بعد 10 بالليل"
[size=32]مازن[/size]"انت بتشتغل هنا؟؟"
[size=32]ايمن[/size]"اه ده اول يوم ليا هنا.. وهكمل ان شاءالله.. بس معادى للساعة 10"
[size=32]مازن[/size]"خلاص استنانى وانا هعدى عليك 10 بالظبط ان شاءالله"
[size=32]ايمن[/size]"تمام يامازن... هستناك"
فى الجامعة.... والنتيجة متعلقة
الدنيا زحمة جدا... وكل واحد من ال4 جاى يشوف النتيجة
ووقف مازن قدام النتيجة
وجنبه ايمن اللى قابله بالصدفة فى النتيجة
وايناس جاية من بعيد
وامل بتحاول تشوف النتيجة من غير ما تدخل فى الزحمة
[/size]
الرئيسية 
