[size=32]توترت ايناس من كلام عادل
مازن لما شافهم راح عليهم بسرعة
مازن"فيه حاجة"
نظراته لعادل وايناس متسائلة
عادل"لا انا كنت بطمن على الامتحان..وانت عملت ايه"
مشيت ايناس قبل مايرد مازن على عادل
راحت على امل
ايناس"انا ماشية"
ايمن"خليكى احنا قاعدين مع بعض"
امل"مالك ياايناس"
ايناس"عايزة امشى"
جه مازن عليهم
"هو ضايقك فى حاجة ياايناس"
ايناس"لا ابدا... هتقومى معايا"
امل"اه...سلام ياجماعة"
بعد ما امل وايناس قاموا
مازن"هو فيه ايه"
ايمن"مش عارف يا مازن"
مازن"انت مش ملاحظ ان ايناس متغيرة"
ايمن"وهى دى حاجة محتاجة ملاحظة... مش هى خالص بس يمكن علشان الامتحانات"
مازن"مالها الامتحانات هى اول امتحانات تيجى علينا... انا قلقان"
ايمن"قلقان من ايه"
مازن"كلام عادل معاها وارتباكها وبعد ماقالت رايحة الحمام رجعت ومشيت...فيه حاجة مش طبيعية"
ايمن"يمكن فيه حاجة بينها وبين عادل"
مازن"دى تبقى مصيبة"
ايمن"مصيبة ليه؟؟ انت بتحبها ولا ايه"
مازن"بحبها زى اختى هى وامل بخاف عليهم زى مايكونوا اخواتى بالظبط معرفش انا ليه بخاف عليهم كده...المشكلة فى عادل نفسه عادل وحش ياايمن ومعندوش ضمير وانا خايف على ايناس منه"
ايمن"طيب ما تحذرها منه"
مازن"صح انا لازم اتكلم معاها واقولها متصدقوش لو كان بيحاول يتقرب منها "
فى العربية
امل"بطلى عياط ياايناس هو انتى لسه شفتى فى ايه"
ايناس"طريقته ياامل قلقانى... ماتيجى معايا البيت نشوف فى ايه"
امل"طيب...متخافيش بقى "
فى البيت... وقدام اللاب توب...الاتنين قاعدين جنب بعض
ايناس بتفتح الميل بتاعها وهى بترتعش
الاتنين برقوا عينيهم... امل بعدت وشها عن الشاشة
ايناس بتصرخ
ايناس"لالا محصلش.. مش انا... والله مش انا"
ومسكت موبايلها فتحته
امل"بتعملى ايه"
ايناس"هتصل بيه الحيوان ده"
وبعد ما اتصلت ...التليفون كان مقفول
ايناس"قافل تليفونه"
امل"اكيد فى الامتحان"
ايناس بتعيط
ايناس"مش انا ياامل...مش كلهم صورى"
امل"يعنى ايه مش كلهم"
ايناس"يعنى الصور العادية دى انا فعلا وانا بكلمه ع الكام انما الصور الفظيعة مش انا"
امل"وهو عمل كده ليه"
ايناس"اكيد علشان يضايقنى...انا خايفة اوى"
امل"مش هى مش انتى..متخافيش"
ايناس"مخافش ازاى بس..انتى نفسك مش قادرة تبصى عليها يبقى مش عايزانى اخاف ...لو اهلى وصلهم صور زى دى ممكن يجرالهم ايه ولا فى الجامعة ولا اى حد يعرفنى ...انا حاسة انى هموت من الرعب"
امل"اكيد بيعمل كده علشان يرجع يسيطر عليكى تانى.. ده مش بنى ادم اوعى تسمعى كلامه تانى ياايناس... اسمعى كلام ربنا واكيد ربنا هينجيكى منه اوعى تخافى من انسان ربنا اقوى منه"
ايناس"كلامك ياامل عامل زى النور اللى بيظهرلى فى عز الضلمة اللى انا فيها"
امل"متخافيش احنا اهو بنفكر مع بعض وكمان هنتصرف مع بعض متقلقيش مش هسيبك"
ايناس"انتى مش خايفة"
امل"هخاف من ايه .. هو ماسك عليا......"
وحست امل انها احرجت ايناس بكلامها...لان ايناس عيطت تانى بعد ماكانت بدأت تهدا
امل"والله مااقصد...اقصد يعنى بس انى اطمنك اننا هنفكر ونتصرف مع بعض يعنى انتى مش لوحدك"
ايناس"انا عارفة انى غلطت غلط كبير واستاهل اللى يجرالى بس برضه الحمدلله انى مغلطتش اكتر من كده وانى لسه زى ما انا"
امل"الحمدلله...انا هقوم بقى علشان متأخرش وخليكى فاتحة تليفونك علشان لو اتصل تشوفى هو باعتلك الصور دى ليه...شوفى دماغه فيها ايه...وحاولى تشترى منه على قد ماتقدرى وتشوفى دماغه لحد مانفهم وبعدين نقرر هنتصرف ازاى"
ايناس"حاضر"
مازن قاعد فى البيت... بيتغدا لوحده كالعادة
ورن موبايله
مازن"الو.. الحمدلله ... انتى عاملة ايه ياماما... كويس... كان كويس وحليت الحمدلله كويس... متقلقيش بذاكر... خير... لا عربيتى كويسة مش عايز اغيرها... قولى ياماما عايزة تقولى ايه... ازاى مش هينفع تيجوا فى الصيف...يعنى حتى شهور الاجازة كمان مش هتيجوا فيها... خلاص ياماما... اجى انا اعمل ايه؟؟ مش عارف... سيبينى افكر... لا مش عايز حاجة شكرا... مع السلامة"
بص مازن فى ملخص المكالمة
مازن"هو ده اللى انتوا فاضيين لى فيه كام دقيقة فى اليوم"
لم الاكل اللى قدامه من غير ما يكمله... وبكل ضيق حاول يمسك اى كتاب يذاكر منه... مقدرش يذاكر وقام نزل
ايناس قاعدة على اعصابها.... 3 ساعات بعدها رن موبايلها ولقيت انه عادل ..حاولت تمسك اعصابها وهى بترد عليه
عادل"حبيبة قلبى... اخيرا رديتى على موبايلك"
ايناس"وانا لو حبيبتك تعمل معايا كده"
عادل"حبيبتى طبعا ومينفعش تسيبينى بمزاجك"
ايناس"انت عايز منى ايه"
عادل"ولا حاجة... نحب بعض"
ايناس"انت محافظتش على الحب اللى انا حبيتهولك اللى اعرفه ان اللى بيحب حد يخاف عليه مش يفبركله صور"
عادل"خلاص اثبتيلى انك لسه بتحبينى وقوليلى حد عندك"
ومقدرتش تمسك نفسها اكتر من كده وانفجرت فيه
ايناس"انا بكرهك وبقرف منك ومن كلامك "
عادل"بقى كده... صورك الحلوة هتنزل فى اكونت ع الفيس باسمك وعنوانك وتليفونك وكل بياناتك الحقيقية وابقى خلى ماما الدكتورة تنظم لك المواعيد"
ايناس"يا قذر يا زبالة يا حيوان...اتفو عليك وعلى اخلاقك الواطية"
عادل"اشتمى كويس انا هدفعك تمن لسانك الطويل ده يا بنت ال...."
وقفلت ايناس التليفون خالص
وانهارت وهى بتعيط... واتصلت بامل على التليفون الارضى وهى بتعيط ومش عارفة تتكلم من كتر انهيارها"
امل ردت على تليفون ايناس... وكل اللى فهمته صوتها بتعيط
امل"ياايناس مش فاهمة حاجة منك... حاضر حاضر"
الام"فى ايه ياامل"
امل"ايناس تعبانة ياماما وعايزانى...هروح لها شوية"
الام"وبعدين لاحسن اخوكى ييجى فجأة تبقى مصيبة"
امل"ولا مصيبة ولا حاجة لو جه فجأة قوليله انى روحت اجيب ورق مهم لامتحان المادة الجاية"
الام"هتخلينى اكذب ياامل..وده ينفع"
امل"وهو انا ياماما بعمل حاجة غلط...صاحبتى اللى وقفت جنبى فى ظروفك وساعدتنى اتخلى عنها..ده يرضيكى يعنى"
ايناس"لا.. قومى روحى بس متتأخريش"
امل"حاضر"
امل وايناس قاعدين فى كافيه قريب من بيت ايناس
ايناس مازالت منهارة... وهى بتحكى لامل
لحد ما سكتت من كتر ماتعبت
امل"ايناس الموضوع كبر اوى كده وانتى لازم تقولى لمامتك اكيد هى هتعرف تتصرف من غير ما تأذيكى"
ايناس"انتى بتقولى ايه...مينفعش طبعا"
امل"اومال هنعمل ايه...اوعى تسمعى تهديداته"
ايناس"لا طبعا خلاص بس لو قلت لماما اكيد بابا هيعرف ومنى وحسن الزفت كمان اكيد هيمسكهالى"
امل"والعمل"
ايناس"مش عارفة"
وانهارت من تانى
مازن وايمن ماشيين بالعربية
ايمن"روق بقى يامازن... متعرفش ظروفهم ايه"
مازن"كل همهم الفلوس...قبل ماتقولى انهم مش جايين بتقولى مش عايز تغير العربية...بيرشونى بالفلوس علشان ينسوا انهم خلفونى"
ايمن"طيب احمد ربنا انهم بيرمولك فلوس...انا لا ابويا حاسس بوجودى ولا بيدينى فلوس ده بياخد منى كمان"
مازن"خلفونا ليه لما هما مش هيقدروا يراعونا"
ايمن"استنى استنى... مش دى عربية ايناس"
مازن"اه هى"
ايمن"كويس .... انا كنت عايز اديها ملزمة معايا كانت طالباها منى والحمدلله اننا قابلناها"
مازن"لتكون قاعدة مع حد واحنا نسبب لها احراج"
ايمن"اركن هنا...هاخد الملزمة لو لقيتها لوحدها او مع صاحباتها هديها الملزمة وامشى لو لقيتها مع حد مش هخليها تشوفنى علشان محرجهاش"
ونزل ايمن... دخل الكافيه... شافها قاعدة مع امل
شاور لمازن من على الباب انه ييجى
وراح ناحيتهم
ايمن"الندالة اللى من ورانا دى... بتعملوا ... ايه ده مالك ياايناس"
ايمن كان داخل يهزر معاهم قبل ما يشوف عيون ايناس ودموعها
امل"ايمن.. ايه اللى جابكم هنا"
ايمن"شفنا عربية ايناس صدفة"
امل"شفتم؟؟"
ايمن"اه مازن معايا"
مازن وصل عندهم... شاف ايمن واقف
مازن"حد معاكم"
امل"لا"
مازن"وانت واقف كده ليه...ايه ده مالك ياايناس"
قعدوا الاتنين معاهم
ايمن"مالها بتعيط ومبتردش علينا"
بصت امل لايناس... وايناس بتعيط
امل"طيب ايمن ومازن يمكن يساعدونا"
ايمن ومازن"فى ايه؟؟؟ اكيد بس فى ايه"
ايناس بصت لامل وهى خايفة ...امل فهمتها
طبطبت على ايدها
"لازم يعرفوا الموقف اللى انتى فيه واللى انتى مظلومة فيه ومعملتيش اى حاجة"
اطمنت ايناس ان امل مش هتقول كل الحكاية
وفعلا حكت امل وايناس ان العلاقة كانت حب وانه بدأ يهددها علشان ترضخ له
مازن"ابن ال.... انا حذرته"
ايمن"وانت كنت تعرف"
مازن"اعرف انه واطى معرفش ان فيه حاجة بينه وبين ايناس... مقلتليش ليه...مسألتنيش ليه طيب"
امل"انت هتلومها دلوقتى يامازن...اللى حصل حصل المهم نتصرف ازاى"
وبص ايمن ومازن لبعض
ايمن" والله لوريه السافل ده... هو فاكر بنات الناس لعبة"
مازن"لازم نتصرف...متخافيش مش هنسيبك"
امل"الصور معاه وعلى االايميل وياعالم عمل اكونت كمان ولا لسه"
ايمن"احنا نكسر رقبته ونهدده باى حاجة"
مازن"لا ولا التهديد ولا الضرب هينفعوا لان بعد مانضربه ممكن يتغاظ اكتر"
ايمن"هنعمل ايه"
مازن بنرفزة"ماانا بفكر اهو...اصبر شوية"
رن موبايل ايمن.... رد وهو معاهم
"الو...ايوه يا شروق"
شروق بتعيط" الحقنى يا ايمن"
[/size]
الرئيسية 
